Mai kudin duniya na bakwai, Warren Buffett, ya yi gagarumar kyautar kuɗi har dala biliyan 1.1 domin tallafawa al’umma a duniya. Wannan kyauta ta biyo bayan alkawarin da ya yi tun a shekarar 2006 na sadaukar da dukiyarsa don taimakon mutane.
A ranar Litinin, Buffett, wanda ke da shekaru 94, ya sanar da rukunin kamfanin sa, Berkshire Hathaway, cewa ya bayar da kyautar makudan kudin. A halin yanzu, ana hasashen cewa rukunin kamfanin yana da kadara ta kimanin $1.1 trillion a fadin duniya.
Kyautar ta kai ga cibiyoyin iyalansa kamar:
– Cibiyar Susan Thompson Buffett
– Cibiyar Sherwood
– Cibiyar Howard G. Buffett
– Cibiyar NoVo
Buffett ya bayyana cewa yana son a raba sauran dukiyarsa ga ‘ya’yansa uku da wani mutum da zai ambata daga baya idan rai ya yi halinsa. Wannan tunani ya biyo bayan rasuwar matarsa, Susie, a shekarar 2024, wanda ya ce ya yi tunanin zai rigata mutuwa.
Rahoton da aka fitar ya nuna cewa Buffett ya yi wannan kyautar ne saboda ganin alamar mutuwa za ta iya riskarsa a ko da yaushe. Wannan na nuni da yadda mai kudi zai iya amfani da dukiyarsa don kyautata rayuwar al’umma.
Wannan mataki na Warren Buffett na kara haskaka yadda masu kudi ke iya amfani da dukiyarsu don taimaka wa al’umma, tare da fatan cewa hakan zai inganta rayuwar mutane da dama a fadin duniya. Wannan kyautar ta kasance tamkar wani kiran gaggawa ga masu kudi su duba hanyoyin da za su taimaka wa al’umma.