A ranar Talata, 4 ga Maris, 2025, ƙungiyar dillalan man fetur ta Najeriya, PETROAN, ta bayyana farin cikin ta kan sabon sauyi da aka yi wa farashin man fetur a Najeriya. An rage farashin daga N920 zuwa N875 kowace lita, wanda hakan ya kasance a lokacin da al’ummar musulmi suka fara azumi.
Dr. Billy Gillis Harry, shugaban PETROAN, ya ce wannan mataki zai taimaka wajen rage radadin tsadar rayuwa ga ‘yan Najeriya. Ya bayyana cewa rage farashin fetur zai haifar da sauƙi a harkokin sufuri da kuma rage farashin abinci, wanda hakan zai inganta rayuwar al’umma.
Dr. Harry ya jaddada cewa matatar Dangote ta yanke shawarar rage farashin man fetur zuwa N825 kowace lita, tare da maida wa masu gidajen mai N65 daga cikin litar fetur tan miliyan 200 da suka sayar kafin a rage farashin. Wannan mataki ya nuna kishin kamfanonin mai da kuma walwalar masu amfani da fetur a ƙasar.
PETROAN ta yi kira ga ‘yan Najeriya da su kasance da kyakkyawar fata kan canje-canje da gwamnatin ke yi don inganta rayuwar al’umma. Wannan sabuwar farashi na man fetur na da matukar muhimmanci a wannan lokaci na hauhawar farashi, inda mutane ke fuskantar ƙalubale a harkokin yau da kullum.
Hakan na nuna cewa matakan da aka dauka na rage farashin man fetur na iya zama wani babban mataki na taimako ga al’umma.