Wani jigo a jam’iyyar APC, Mr. Olatunbosun Oyintiloye, ya bayyana damuwarsa game da matsanancin kuncin rayuwar da ƴan Najeriya ke fuskanta sakamakon tashin farashin kayan abinci. A cewar Oyintiloye, duk da kokarin da gwamnatin Bola Tinubu ke yi, galibin magidanta ba sa iya ciyar da iyalansu sau uku a rana.
Mr. Oyintiloye ya yi wannan bayani ne a wata hira da aka yi da shi a Osogbo. Ya jaddada cewa tsadar kayan abinci ta zama bala’i a halin da ake ciki a ƙasar, inda ya ce:
“Galibin magidanta suna fuskantar wahala wajen samun abinci mai kyau, wasu har sai sun fita sun yi bara ko sun roƙa kafin su ci.”
Ya roƙi gwamnatin tarayya da gwamnonin jihohi su ƙara dagewa wajen sauƙaƙawa talakawa halin da suka tsinci kansu.
Oyintiloye ya bayyana cewa farashin kayan abinci kamar shinkafa, wake, garri, da sauran su sun tashi da yawa, har wasu ƴan Najeriya ba su da karfin kuɗi na siyan su. Wannan ya janyo cewa mutane sun koma cin duk abin da ya samu kawai don su rayu. Ya ce:
“A yanzu, mutane sun daina tunanin komai sai abinci. Tsadar rayuwa ta sa su jingine wasu muhimman abubuwa kamar kuɗin makaranta da wuta.”
Daga karshe, Oyintiloye ya yi kira ga gwamnatoci a dukkan matakai su samar da hanyoyin da za su kawar da fatara da yunwa a cikin ƙasar. Ya ce:
Wannan furuci ya bayyana yadda yanayi mai wuya ke shafar rayuwar talakawa a Najeriya, da bukatar daukar matakai masu inganci don magance matsalolin tattalin arzikin da suka addabi ƙasar.
Allah ya kawo mana saukin wannan Al’amarin