Ministan Abuja, Nyesom Wike, ya bayyana dalilin da ya sa aka cire tsohon shugaban jam’iyyar PDP, Prince Uche Secondus, daga mukaminsa. Wike ya bayyana cewa an yi wannan mataki ne saboda Secondus ya yi ƙoƙarin kakaba dan uwansa a matsayin gwamna a jihar Rivers, wanda hakan ya jawo masa rashin jin daɗi.
A yayin bikin godiya da PDP ta shirya a Ahoada ta Yamma, Wike ya ce ya goyi bayan cire Secondus ne domin ya ga cewa yana kokarin mayar da dan uwansa, Tele Ikuru, a matsayin gwamna madadin Siminalayi Fubara. Wike ya jaddada cewa wannan mataki ya dace da zaman lafiya da ci gaban jam’iyyar a jihar.
Ministan ya kuma bayyana cewa a cikin gwamnatin Bola Tinubu, babu wani gwamna da ya samar da damammaki ga jiharsa kamar yadda ya yi a jihar Rivers. Wannan jawabi na Wike ya nuna cewa akwai sabani tsakanin shi da Secondus, wanda a yanzu yake bayyana su a matsayin makiyansa.