Kungiyar ECOWAS ta bayyana cewa Najeriya ba ta goyi bayan ta’addanci a Afirka, musanta ikirarin da shugaban Jamhuriyyar Nijar, Janar Abdourahamane Tchiani, ya yi. A cikin jawabin da mai magana da yawun kungiyar, Joël Ahofodji, ya fitar, ECOWAS ta ce zargin ba shi da tushe.
Jawabin ya ce, “ECOWAS ta nuna takaici game da zargin da ake yi wa Najeriya da sauran kasashen kungiyar.” Ya kara da cewa Najeriya na da tarihin goyon bayan zaman lafiya da tsaro a yankin.
Kungiyar ta yi kira ga Nijar da sauran kasashe su guji jefa zargi ba tare da hujjoji ba, maimakon haka, su yi aiki tare domin wanzar da zaman lafiya. Wannan mataki na ECOWAS ya biyo bayan zargin Nijar cewa Najeriya na hada kai da kasashen Turai wajen tallafawa ta’addanci.
Sarakunan gargajiya daga Arewacin Najeriya ma sun musanta zargin, suna mai cewa Najeriya ba za ta goyi bayan wani nau’in ta’addanci ba. Wannan jawabi na ECOWAS ya nuna alamar goyon bayan Najeriya a zamanin da take fuskantar kalubale a fannin tsaro.