Zainab Ado Bayero, diyar marigayi sarkin Kano, Ado Bayero, ta sake tura kokon bara ga Shugaba Bola Tinubu da Gwamna Abba Kabir na jihar Kano, domin neman taimako kan halin da suke ciki. Ta bayyana cewa suna cikin mummunan yanayi a birnin Lagos tun bayan da ta sha fada a baya.
Zainab ta bayyana cewa dan uwanta, Ahmed Tijjani Ado Bayero, da mahaifiyarta suna cikin halin takura a jihar Lagos. Ta bayyana jin dadinta da kuma mummunan yanayin da suke ciki, inda ta ce abin takaici ne yadda ake cin zalinsu, musamman daga masarautar Kano.
A cikin hirar da ta yi, Zainab Ado Bayero ta roki Tinubu da Abba Kabir da su kawo mata dauki, inda ta ce, “A matsayina na mace kuma ‘yar kasa, ina tambayar Shugaba Bola Ahmed Tinubu shin daidai ne a ci zalina ta hannun wasu daga cikin masarautar Kano?” Ta nemi a kawo karshen wannan wahala da suke fuskanta.
Wannan shine karo na biyu da Zainab Ado Bayero ta fito tana neman taimako daga gwamnati, inda ta ce sun dade suna cikin mummunan yanayi. Ta bayyana cewa al’ummar Najeriya ya kamata su fahimci halin da suke ciki, maimakon komawa Kano wajen yan uwanta.
Kiran Zainab Ado Bayero na nuni da bukatar taimako da goyon bayan gwamnati, tare da jaddada halin da iyalanta ke ciki. Wannan ya jawo hankalin al’umma da hukumomi su dauki mataki kan wannan batu.