A yau muna kawo muku Addu’ar samun Basira,Shifa basira tana da matuƙar muhimmanci a rayuwar ɗan adam, musamman wajen koyon ilimi, fahimtar al’amura, da yanke shawarar da ta dace. Duk da yake Allah ne ke bayar da basira ga wanda Yake so, akwai hanyoyi da dama da Musulunci ya koyar domin neman wannan baiwa daga Ubangiji.
Mece Ce Basira?
Basira ita ce hikima da fahimta ta musamman da mutum yake da ita wajen nazarin al’amura da yanke hukunci mai ma’ana. Basira tana haɗawa da:
- Fahimtar al’amura cikin sauƙi.
- Iya warware matsaloli cikin hikima.
- Yin tunani mai zurfi da nasara wajen koyon ilimi.
- Samun ilimi da amfani da shi cikin hikima
Addu’o’i Don Neman Basira
Annabi Muhammad (SAW) ya koyar da mu wasu addu’o’i domin neman basira daga Allah. Ga wasu daga cikin su:
Addu’a ta Farko:
اللهم إني أسألك علماً نافع ورزقا طيبا وعملا متقبلا
Allahumma inni as’aluka ‘Ilman naafi’an, wa rizqan tayyiban, wa ‘amalan mutaqabbalan
Ya Allah! Ina roƙonKa ilimi mai amfani, arziki nagari, da ayyuka waɗanda za a karɓa.
Wannan addu’a tana ƙarfafa mutum wajen neman ilimi da amfani da shi cikin halal.
Addu’a ta Biyu:
ربي زدني علماً
Rabbi zidni ilma.”
Ma’ana: “Ya Ubangiji, Ka ƙara mini ilimi.”
Wannan addu’a tana nuna bukatar neman ƙarin ilimi da fahimta a koyaushe.
Hanyoyin Samun Basira
- Taimakon Allah: Ka dage da addu’a akai-akai, domin Allah ne kaɗai ke bayar da basira.
- Karanta Al-Qur’ani: Littafin Allah cike yake da hikima, karatun sa yana ƙarfafa zuciya da ƙwaƙwalwa.
- Neman Ilimi: A koda yaushe a kasance masi neman ilimi, saboda shi ne mabuɗin basira.
- Zikiri: Ka riƙa ambaton Allah da sunaye masu kyau kamar “Al-‘Aleem” (Mai Ilimi) da “Al-Hakeem” (Mai Hikima).
- Rayuwa Mai Tsari: Ka tsara lokacinka wajen koyon sabbin abubuwa da amfani da su cikin hikima.
Amfanin Samun Basira
- Tana taimakawa wajen warware matsaloli cikin sauƙi.
- Tana tabbatar da nasara a rayuwa da kuma aikin duniya da na lahira.
- Tana sauƙaƙa fahimtar ilimi da koyon sababbin abubuwa.
- Tana sa mutum ya zama abin amfanuwa ga al’umma.
Kammalawa
Addu’ar neman basira babbar hanya ce ta samun taimako a gurin Allahu SWT wajen ƙarfafa ƙwaƙwalwa da fahimta. Ya zama wajibi mu dage wajen neman wannan hikima ta hanyar ilimi, addu’a, da kyawawan dabi’u. Allah shi ne wanda Yake bayar da hikima ga wanda Ya so. Muna roƙonSa Ya ba mu hikima da basira mai amfani, Ameen.