Hadimin gwamna na musamman a jihar Akwa Ibom, Aniekeme Finbarr, ya yi murabus daga mukaminsa. Finbarr ya ajiye aikin ne a daidai lokacin da ake jimamin mutuwar matar gwamnan jihar, Martha Umo Eno.
Finbarr ya rike muƙamin hadimi na musamman a bangaren sadarwa a gwamnatin Udom Emmanuel da ta shude. Daga bisani, Gwamna Umo Eno ya gaje shi inda ya mayar da shi hadiminsa a bangaren wayar da kan al’umma.
A cikin sanarwar da ya fitar a shafinsa na Facebook, Finbarr ya ce ya yi murabus din ne kawai saboda ya gaji yana so ya sauya layi domin sake kwarewa a wani fannin.
“Bayan shafe kusan shekaru 10 ina aikin gwamnati, na yi tunanin sauya layi domin kwarewa a wani bangare,” in ji Finbarr.
Murabus ɗin Finbarr ya zo ne a daidai lokacin da ake ta jita-jitar rikici tsakaninsa da Gwamna Umo Eno. Wasu rahotanni sun ce Finbarr ya yi murabus ne saboda rashin jituwa da gwamnan.
Sai dai Finbarr ya musanta wannan zargi, inda ya ce ya yi murabus ne kawai saboda yana son sauya layi.
Wannan lamari dai ya kara jefa gwamnatin Umo Eno cikin rudani, musamman idan aka yi la’akari da cewa wannan ne karo na biyu da hadiminsa na musamman ya yi murabus cikin kankanin lokaci.