Rahoton Ofishin Mai Binciken Kudi na Najeriya ya bayyana cewa hukumomin kula da harkokin man fetur, wato NUPRC da NMDPRA, sun kasa bayar da bayani kan kudade da suka kai Naira biliyan 309 da dala biliyan 2.28. Wannan ya haifar da zarge-zargen tauye asusun gwamnatin tarayya da rage kuɗin shiga da ya dace.
Rahoton ya nuna cewa akwai kudaden haraji na royalties da suka kamata a biya, amma hukumomin sun kasa yin hakan. An bayyana cewa Kamfanin Man Fetur na Najeriya (NNPCL) ya kamata ya biya $1.65bn ga asusun CBN da DPR, amma DPR ta karbi $1.4bn kawai, wanda ya haifar da gibin $254bn.
An zargi hukumomin da rashin gaskiya da gazawar bin ka’idojin doka a wajen mika kudaden da suka kamata su tafi asusun gwamnati. Haka kuma, hukumomin sun kasa bayar da bayani kan yadda aka kashe Naira biliyan 309 da $2.28bn a shekarar 2021.
Wannan rahoton ya jaddada irin kalubalen da hukumomin kula da harkar mai ke fuskanta, musamman wajen tabbatar da sahihancin gudanar da kuɗade a Najeriya.