Shahararren jarumi a masana’antar Kannywood, Ali Nuhu, ya gargadi jarumar Surayya Aminu, wanda aka fi sani da Rayya Kwana Casa’in, kan shirin da take yi na zana tattoo a jikinta. A cikin wata tambaya da ta yi wa masoyanta, Rayya ta nuna sha’awarta game da zana tattoo, wanda hakan ya jawo martani daga Ali Nuhu.
Ali Nuhu ya bayyana cewa idan Rayya ta kuskura ta zana tattoo, zai sanya bulala ya zane ta. Wannan gargadi na Ali Nuhu ya jawo ce-ce-ku-ce a tsakanin abokan sana’ar jarumar da masoyanta, inda da dama suka yi Allah wadai da wannan yunkuri.
Rayya ta yi tambayar a shafinta na Instagram, inda ta nemi ra’ayin masoyanta kan zana hoton tattoo a jikinta. Wannan tambayar ta jawo muhawara mai zafi daga ‘yan Kannywood da suka bayyana rashin jin dadin su game da wannan yunkuri.
Daga cikin wadanda suka yi martani akwai suka ce wa Rayya kada ta yi tunanin zana tattoo, suna mai jaddada cewa hakan na iya kawo mata tarnaki a harkar fina-finai. Ali Nuhu da sauran abokan sana’a suna tunatar da ita cewa kyawun ta na jiki ba ya bukatar karin ado irin wannan.
Wannan lamari na nuna yadda al’adu da dabi’un al’umma ke taka rawa a harkokin nishadi a Najeriya, musamman a Kannywood, inda aka saba ganin jarumai suna ba da shawarwari ga juna kan abubuwan da za su yi.