Dan gwagwarmayar kafa kasar Yarbawa, Sunday Adeyemo, wanda aka fi sani da Sunday Igboho, ya bukaci shugaban Najeriya, Bola Tinubu, ya ja kunnen mataimakinsa, Kashim Shettima, kan sukar da Kemi Badenoch, shugabar jam’iyyar Conservative ta Birtaniya, ta yi kan Najeriya.
Igboho ya yi wannan kiran ne bayan Badenoch ta yi magana akan matsalolin Najeriya, inda ta caccaki gwamnatin Najeriya da yadda hukumominta ke gudanar da al’amura, musamman a Arewa. Kashim Shettima ya yi martani ga Badenoch, inda ya gargade ta kan bata sunan Najeriya.
Igboho ya bayyana cewa yana da muhimmanci Tinubu ya gargaɗi Shettima don ya mayar da hankali kan ayyukansa, maimakon shiga rikici da Badenoch, wanda a cewarsa, tana da gaskiya a cikin maganarta.
A cewar Igboho, gwamnatin Najeriya tana fuskantar manyan kalubale, ciki har da talauci da rashin tsaro, wanda ke bukatar gaggawa da kulawar shugabanni. Ya roki Tinubu da ya shiga tsakani domin tabbatar da cewa Shettima ya daina yi wa Badenoch suka marasa amfani.
A halin yanzu, Kashim Shettima ya bayyana cewa tattalin arzikin Najeriya na samun ci gaba, wanda hakan ke nuna alamar kyakkyawan fata ga al’ummar Najeriya.