Mantuwa wata dabi’a ce daga cikin ɗabi’ar ɗan adam, kuma kusan kowa yana fuskantar wannan matsala a wani lokaci na rayuwar sa. Sai dai, idan mantuwan ta wuce kima, tana iya zama cikas ga ci gaban rayuwa, musamman wajen karatun ilimi, ayyukan yau da kullum, ko ma maganganun addini.
A cikin al’adun Musulunci, akwai addu’o’i da dama da ake amfani da su domin samun taimako wajen kawar da mantuwa da ƙarfafa tunani.
Me Ya Sa Mantuwa Ke Faruwa?
Mantuwa tana iya faruwa saboda:
- Rashin natsuwa ko gajiya ta jiki da zuciya.
- Rashin samun isasshen barci.
- Yawan damuwa ko tunanin da ba na amfani ba.
- Rashin tsari wajen koyon ilimi ko ayyuka.
- Rashin karatun Al-Qur’ani da zikiri.
Addu’ar Maganin Mantuwa
Annabi Muhammad (SAW) ya koyar da mu wasu addu’o’i domin neman taimako daga Allah kan matsalolin tunani da mantuwa. Ga wasu daga cikin su:
Addu’a ta farko:
اللّهُـمَّ لا سَـهْلَ إِلاّ ما جَعَلـتَهُ سَهـلاً، وَأَنْتَ تَجْـعَلُ الْحَـزَنَ إِذا شِـئْتَ سَهـْلاً
Allaahumma laa sahla ‘illaa maa ja’altahu sahlan wa ‘Anta taj’alul-hazna ‘idhaa shi’ta sahlan.
Ya Allah, babu sauƙi sai abin da Ka sanya shi ya zama sauƙi. Idan Ka so, za Ka sauƙaƙa damuwa
Adduar ta biyu:
ربي زدني علماً
“Rabbi zidni ilma.”
Ma’ana: “Ya Ubangiji, Ka ƙara mini ilimi.”
Hanyoyin Kare Kai Daga Mantuwa
- Karanta Al-Qur’ani Akai-Akai: Al-Qur’ani yana ƙarfafa ƙwaƙwalwa kuma yana kawo natsuwa ga zuciya.
- Zikiri da Addu’o’i: A koda yaushe a nemi taimakon Allah ta hanyar zikiri da addu’a.
- Cin Abinci Mai Gina Jiki: Cutar rashin sinadaran da jiki ke buƙata yana iya haifar da mantuwa.
- Guje wa Yawan Damuwa: Natsuwa tana taimakawa wajen tabbatar da tunani mai zurfi.
- Barci Mai Kyau: Samun isasshen barci yana da muhimmanci wajen ƙarfafa ƙwaƙwalwa.
Kammalawa
Mantuwa ba abu ne da zai sa mu firgita ba, amma ya zama wajibi mu nemi magani ta hanyoyin shari’a da dabi’a. Addu’a ita ce babban makamin mumini, kuma ta hanyar addu’a, Allah yana iya tabbatar mana da nutsuwa da tunani mai ƙarfi. Ka tuna cewa a Koda yaushe Allah yana tare da wanda ya nemi taimakonsa da zuciya ɗaya.
Allah Ka cire mana mantuwa, Ka ƙara mana fahimtar ilimi, Ameen ya hayyu ya kayyum